კომპიუტერის და პრინტერის გადაცემა

იძულებით გადაადგილებულ ქალთა ასოციაციის პროექტის „ერთად ჩვენი უფლებებისთვის“ ფარგლებში (გერმანული ორგანიზაციის „პური მსოფლიოსთვის“ დაფინანსებული) მცირე საგრანტო განაცხადები დაფინანსდა. კერძოდ, გრემისხევის საჯარო სკოლას გადაეცა კომპიუტერი და პრინტერი, ყველა მოსწავლეს კი დაურიგდა საკანცელარიო ნივთების ნაკრები, ასევე გრემისხევის საბავშვო ბაღს გადაეცა სხვადასხვა ტიპის ინვენტარი. გადაცემის ცერემონიას ესწრებოდა მცხეთა -მთიანეთის საბავშვო ბაღების სააგენტოს უფროსი, მერიის კულტურის განყოფილების წარმომადგენლები, ბაღის დირექტორი და თანამშრომლები. მცირე გრანტი იყო გრემისხევის აქტივისტთა ინიციატივა, რომელიც მიზნად ისახავდა საგანმანათლებლო პროცესის გაუმჯობესებას.