21 სექტემბერს მშვიდობის საერთაშორისო დღესთან დაკავშირებით ქ. გარდაბანში პროექტის „ახალგაზრდებს შორის ხიდების მშენებლობა“-ს ფარგლებში ჩატარდა რიგი ღონისძიებები: შეხვედრა-სემინარი თემაზე „რას ნიშნავს მშვიდობა ჩემთვის?“ აქცია ლოზუნგით „ჩვენ გვჭირდება მშვიდობა“. საღამოს ახალგაზრდებმა ცაში ფრანები გაუშვეს. პროექტის მონაწილეთა ჯგუფი ინტერნაციონალურია - ქართველები და აზერბაიჯანელი ახალგაზრდები.
პროექტი „ახალგაზრდებს შორის ხიდების მშენებლობა“ ხორციელდება სამხრეთ კავკასიის რეგიონის ქვეყნების ადგილობრივი ორგანიზაციებისა და ქეა საერთაშორისოს (CARE International) თანამშრომლობით. საქართველოში პროექტს ახორციელებს იგპ ქალთა ასოციაცია „თანხმობა“. სამიზნე თემებია: გარდაბანი (ქვემო ქართლი) და ნიქოზი (შიდა ქართლი).
